Казах.ру
поиск по сайту и Казнету
rus / eng / kaz
Форумы
На русском языке
Қазақша сөйлесу


Словарь-переводчик

Введите русское или казахское слово. Для ввода казахских символов нажмите цифры:
Ә2, I3, Ң 4, Ғ5, Ү8, Ұ 9, Қ0, Ө-, һ+


полная версия










Общение

Реклама: Новый телеграм-канал для деловых людей > Траблшутинг
Общение: Список форумов
Форум: Мәдениет, өнер, дәстүр, әдебиет, БАҚ
Тақырып: Сүйікті жазушыңыз?

страницы:    « в конец    3    2    1  

Авторы Xабарлама
Мен
17-04-06 19:02
Адамдар, қандай кітап оқып жатырсыңдар? соңғы оқыған кітаптарымызды айтып ой бөлісейік, жақсы кітаптармен бөлісейік. Қазір осы кітап оқитын адам бар ма? Осыны білгім келеді.

Авторы Жауап
қара қыз
saodat_urdasheva@mail.ru
10-11-06 11:56
ақшабұлт ,сіз Муракамидің Мұз адамын оқыдыңыз ба?Не айтасыз? Әдебиет жайлы толғанысыңыз терең екен.Айгул апайымыздың өлеңі маған ұнайды.Роза,Танакөз,Назира ларды оқыдыңыз ба?Досай сіз не ақынсыз,не қаламгер,төбеңіз көрінбеген жер жоқ екен. МАҒАУИННІҢ МҰНАР ТАУЫНАН АСА АЛМАЙ ҚАЛМАҢЫЗШЫ!
Гүлмира
Лола.гума
09-11-06 17:35
Мен Стефан Цвейгтің"Бальзак"деген шығрмасын оқып шыктым.Маған өте катты ұнады.Сіздердің пікірлеріңізді білгім келеді.
Гүлмира
Лола.гума
09-11-06 17:23
Менің суйікті жазушым,сүйікті шығармам дей бастасам ойыма З.Кабдолловтың "Менің Әуезовім" роман эссесі орла кетеді.
Менің асқақ армандарымды анықтау жолында менің үлкен ұстзым болған туынды.Әдебиетті жаныммен сүйетіндігім де сондықтан.
ақшабұлт
09-11-06 16:51
Дидардың қаратүнегі жанды қамап алатыны рас,біз бірақ дидарды кеше көрген жоқ пыз.Ол өзі күздің сұрықсыз күніндей көңілсіздік бағыштайтын тәтті мұң. Ал оның кітабі н оқығаныма 6-айдың шамасы.Буынан шыға алмай тамсанып жүрү бір басқа,оны іште қорытып жұту бір басқа,Досай досым.Сіз қазір не оқып жүрсіз?
Жас Алаш
deleted
08-11-06 16:26
Бауырым Жас қазақ! Тастаған сауалдарын дұрыс-ақ. Бізде қай шығарманың шқтығы биік, қай шығарма алтынмен апталғанымен іші қуыс екенңн білмей жататынымыз бұлтармас шындық. Алысқа бармай-ақ өзімді мысалға келтірейін. Кітапты кішкентай кезімде көп оқитынмын. Сөйтсем, босқа уақыт өлтіргенге ұқсаймын. Өйткені ол оқығанымнын бәрі түкке тұрғысыз дүниелер екен. Қазір олардан еміс-еміс болмаса, іліп аларлық ештеңе де есімде қалмапты. енді маған сол кеғзде нақты нқсқау беріп, мынаны оқы, мынаны оқымай-ақ қой деген біреу болса, мүмкін қазіргідей құр шөппен аузымды сүртпес пе едім. Әдебиет айналасында шешілмей жатқан мәселе көп... Мұның бәрі оқырманның аяғына кең тұсау емей немене... Дегенмен талғам деген нәрсе бар. Осы талғамын сенің бағытынды айқындап бермей ме? Сенің "Жүз жылдық жалғыздыққа" тісін батпады деп емес, көңілін соқпады деп бағалаған дұрыс шығар. Түсініксіз өлеңдерге де өзінше сарап жасамақ ойын бар көрінеді. Менімше, қазір иттің итақайы да екі сөздің басын құрап "Сүйдім, күйдім, келдім, кеттім" деп өлеңсымақ шығара береді. Ал сол қарабайырлықтан алыстаудың жолын іздестіргеніміз жөн. Оны әркім өз танымына, деңгеіне қарай әртүрлі іздейді. Менің айтқым келгені, мәселе өлеңнің түсінікілігі, яки түсініксіздігінде емес, оның оқырман жүрегіне жету, жетпеуінде. Сондай-ақ, оқырманға бұл тұсініксіз болады екен деп өлең деңгейін төмендетіп алмауымыз керек. Әр тармақтың, әр қолданылған сөздің, әр тіркестің арқалаған жүгі болуы тиіс. Түсініксіз ақынмын деп "бес тиындық" өлеңдер жазып жүргенді жұрт көрмей қалардай соқыр емес. Әдебиет деген қиял әлемінде арқанды кеңге салуға мүмкіндік берілген "еркін" ғылым. Әдебиетте ешқандай қатып қалған теорияны, сірескен жүйені талап етпейді. Мұнда жаңалық әкелу, өзгелерден ерекшелену бағаланады.
Досай
maza.77@mail.ru
08-11-06 14:12
Ақшабұлт, Дидар Амантайдың қаратүнек бұлттарынан шыға алмай жүр ғой деймін...
ақшабұлт
07-11-06 10:23
мен кім едім?Дәл сол сәтте ұмыттым
Жаңбыр менен қызды қатар сүйетін
Жынды ақынның жарты беттік жыры екем
Оны қайдан біліппін?...(Назира Бердалы)
Жалтара алмайтын неткен қатал шындық!
Аян,Айгүл Сейілованың бір өлеңін оқыдым жақында.Жанды жұбатқандай екен.Іштен өршеленіп шыққан өксігімді кірпігіммен бүркеп ққала бердім...Іштен жылау деген осы шығар...
Қайғы мен қуаныш тел еді-Шәкәрім,жолыңызды берсін Алла!
Аспанның ар жағына кеткісі келетін Бануды,кетіп те қалған Роза Мұқанованы түсінгім келмеген,енді түсініп отырмын...Әттең,дүние...
ақшабұлт
07-11-06 10:03
Кие..Құдырет-кие...Сөз өнерінің асыл мәйегін кие тұтқан ұрпақ 37-жылдың оқ атарымен мерт болды ма екен ?Киелі құс-Аққудың қанынан қарғыс тапқан ұрпағы-қара сөздің нәріне қанбай ,банкшілердің ақ қағазына арбалған,қолындағы киесіндей сақ болған сымтемір буын бой көтеріп келеді.Асқар Сүлейменовше талғам-таразы мен сөз сарасына сұранған Әдебиет,Киелі Әдебиет ой бен сөзге айшықты-ойнақы мағына бітіру орнына сөзбен сөздің жібін байлап сөйлем түзүге қабіпетсіз.Бұл қай қоғам?Қай бағыттағы тыныс?

р.s.Писатель пишет для немногих,кто его понимает.В.Вульф.
ақшабұлт
06-11-06 13:44
Қаңқасынан ба,білмеймін...Жазушының ой қиялы өзімен бірге туылмағанын ескеріңіз.Егер еліктеген болса да,жақсылыққа тек,көркемд ікке құлшыныстан,ал өз бетімен ,өз тілдік стилімен туған жазушы жоқ шығар,көшірме болмау керек бастысы.Басқа дүниелерін де зердемен оқыңыз.
Әуесбек
06-11-06 11:40
Дидар Амантайдың "Шайыр мен Шайтан" рманы Мағауиннің "Көкмұнарының" қаңқасынан құралған Ұрлықы
ақшабұлт
06-11-06 08:57
Аян,сіз қызық адамсыз.Неге барлық затқа журналистикалық сараптау көзімен қарайсыз. Әр заттың өз салмағы бар,кемшіліксіз шығарма түгілі ,кемшіліксіз адам жоқ.Айғайлап көкке көтерудің қажеті де жоқ.Жазушы қазір кім болмасын(маскүнем,депутат,қайыршы) бастысы тудырған дуниесіне үңіліңіз.Мысалы,өмірдегі Мағауинмен өнердегі Мағауин өзге,Маралтай да солай.Негізі сіз бен біздің ойымыз түйіседі.Тек анау те ксіздермен тіресе бермеңізші...кейде аяп кетем қара сөзді...сұйылып статистикаға айналғанда...қара сөз қайран.
ақшабұлт
қара
06-11-06 08:36
Дидар Амантайды оқып отырсаң,өзіңді оқып отырғандай боласың.Қоршаудың арғы бетіне өтіп ғаршыға сапар шегесің.Бірақ қайтіп келген соң алданып қалғандай томсырайып ,торығып қалам.Дүние думаның бәрі кітаптың ішінде қалып қоя ма ау,сосын көп уақыт жүргенім қалам ұстай алмай... ДИдар деген дарын көктен түскен.Мен оны Мағауинның жұрнағы,Сүлейменовтың синтезі,әдебиеттің қазіргі форматы деймін. ТҮсініксіз болса ,ол сіздің сорыңыз оқырман.Талғамыңыздың төмендігінен.Тағы айтарым, қазір әдебиет мифология мистикамен ауыру керек.Қоңырқаздан кейін Тиын туды ғой,дәл солай діни таным өткенге оралыңыз.
Руслан
shrj@mail/ru
06-11-06 07:18
Аян айтуың дұрыс. Біраз шындықтан ауытқыған. Алайда менің ойымша Ғабекеңнің мақсаты қазақ тарихындағы ана бейнесін, оның ішінде ғазиз ана бейнесін жасаудағы ауытқуы тарихқа қиянат бола қояр деп ойламаймын. Шындықты толығымен ашып жазғанында ел анасы деп бас кейіпкерді көрсете аларына кепіл берер ме ең? Екіншіден кеңес өкіметінің кезеңінде жазылған шығармалардың осындай күйге ұшырауы ғажап та емес. Роман түгіл өз бастары бәске тігілген кезде бұл өзгертулер де өз септігін тигізген болар. Әйтпесе, Әуезов те "Абай жолындағы" жатақтарды қайдан алды. Тек қана бір жерінде Қаратайдың аузымен айтқызғаны болмаса Құнанбайды да барлық жағынан жағымсыз кейіпкер ретінде көрсеткен емес пе еді. Және бір өкініштісі осы шығарманың орыс тіліндегі нұсқасы алып оқып қарасаңыз аянышты күйге енесіз. "Қайтқанда" тарауындағы Абайдың оқудан елге келе жатқан сапарында Әуезов аттың жүрісін 6-7 теңеумен берсе, орыс тілінде бір ғана "скакалмен" шектеліпті.
Р.S. Әдебиетті сүймейтін қауым да бар екендеріне күмәндарың болмасын.
қара қыз
saodat_urdasheva@mail.ru.
04-11-06 09:55
ыс деймн.Сізді ,Асқар Сүлейменовты әдебиеттегі құбылыс деймін.
қара қыз
saodat_urdasheva@mail.ru.
04-11-06 09:11
Аян сәлем!
Аян
01-11-06 10:51
Салем... Қалдарыңыз қалай, әдебиетсүйер қауым (осы бір термин тақілеттес сөзді айтқым да келмейді, әдебиетті сүймейтін қауымның да болғаны ма сондааа деймін да іштей...)?! Әдебиет әлемінде не жаңалық (өзгеріс, төңкеріс, ұрыс және төбелес, тағы басқааа)? Не оқып жүрсіздер (қандай кітап парақтадыңыздар, көз жүгірттіңіздер, тағы басқааа)?
Парақтап шықтық, анау бір шалдың кітабын. Паулоның. Соңғы кітабын айтамын. Жарыққа шыққан кезде бір парақтап шығып, одан кейін сөреден жатқан болатын. Мен ойлап едім, сол кітапты енді аша қоюым қиын ау деп. Бір себеп болды.Оқыдық. Үңіліп. Өзімізге керек деген нәрсені іздеп. Жоқ. Біз іздеген нәрсе. Біздің жазушыларымыздың ең нашар шығармасымен салыстыруға да келмейді (Дүкенбайдың "Ергежейлісі" одан мықтыыы). Білмеймін, өзіміздің Айгүлдей классик жазушымызды Семейден Алматыға алып келуге пәтерін қимай отырған біздің кеңкелес өкімет Коэльо шалға неге табынып қалғанын?! Сорлы биліктің басы руханият адамдарын ұшпаққа шығарса мемлекеттің де ұшпаққа шығарына бір жетпей қойды ғой.
Мені қазір шығармашылықтың түрі мен тұрпаты, мәні мен мағынасы, айтары мен стилі түк те қызықтырмайтын болып жүр. Мені соңғы кезде қаламгерлердің (жазғышбектердің, өзін ақын екенмін деп ойлап қалатындардың) әлеуметтік жағдайы қызықтырып (шынымды айтсам ашындырып) жүр. Билікке бәрі бір. Ақ патша билеген қоғам Блок бейшараны аштан өлтірген. СССР бабасы бір кезде Алтын Орданы билеген Анна Ахматованы жоқшылықтан өлтіруді мақсат тұтқан. Ақыры мақсаттарына жетіп тынды. Цветаева тойып тамақ ішпегендіктен өмірінің соңында таз болып, басында бір тал шашы қалмады. Билік Пушкинге де баспана берген жоқ. "Сығандар" поэмасының тарихына қарасақ, үйсіз-күйсіз сығандар арасында жүріп жазған. Ақыры өліп тынды. Өлген соң баяғы бітпейтін жыр: Ойбай, бауырееем" басталады. Өздері қолдан өлтіріп, өздері жоқтайды бұл билік. Өздері қолдан өлтіріп, өздері сол адамның басына ескерткіш орнатады. Тірі кезінде көрмеген құрметтің, алмаған алғыстың өлген соң құны көк тиын емес пе? Біздің әдебиеттің өкілдері де осы қатарда. Мен соңғы кезде олардың шығармасына сын көзбен қарауды мүлдем доғардым. Әлеуметтік жағдайы нашар олар қайдан жақсы дүние жазсын?
Сау болыңыздар. Форумда кездесейік.
Пы. сы:
Руслан, Мүсіреповтың "Ұлпаны" жақсы дүние, бірақ, Ғабаң осы кітап үстінде біраз шындықтан ауытқыған. Онысы тарихқа қиянат болған сыяқты. Ал, өзге шығармалары... ым... көзі жоқ классиктер туралы өз пікірімді екіншілей жарияламаймын деп әкеме таяуда ғана уәде беріп едім...


Досай
maza.77@mail.ru
01-11-06 07:54
Жасасын Мұқтар Мағауин!
Руслан
shrj@mail/ru
01-11-06 07:22
Құрметті кітапсүйер қауым! Осы саитты оқи отырып өзімнің де біраз тебіреніске ұшырағанымды жасыра алар емеспін. Әитсе де, сын түзелмей мін түзелмейді, - демеуші ме еді. Мен де біраз ойларымды ортаға сала кеткім келеді. Д.Исабековтің "Қарғынына" келер болсақ шығармада жазушы Жасынды ерекше суреттейді. Ерекшелігі сонда Жасын ақылды, өресі биік, сана-сезімі жоғары дамыған жас журналист ретінде суреттеледі.Оның шығармалары жазушы тілімен айтылғанда қарапайым халық сүйіп оқитын махаббаттан алшақ, өресі биік жандарға арналған, тіпті өзіне арналған сынның да таяздығына қынжылады. Жасынның стилі жай адамдарға түсініксіздеу болып көрінгенмен, шығармадағы тағы бір кереғар жайт сол тәкаппар Жасынды ауылдағы жай шопырдан бастап студенттердің, қалың оқырманның сүйікті жазушысы болуында. Ал, О.Бөкей жайына келсек қаламгердің "Атау кере", "Қар қызы" секілді шығармалары мифтік тұрғыға ауытқиды әрине, алайда қазақ әдебиетінде соның ішінде драма жанрында Орекеңнің салып кеткен ізін атап кетпеу тарихқа күнә. Және бір өкініштісі, Орекеңнің сүйген жары мен Орекеңнің тірі бейнесін көз алдыңа елестететін ұлы Айсын мен оның қарындасының қазақ тілінде екі сөздің басын құрай алмайтындығы кім-кімді де қынжылтары сөзсіз. Және бір гәп, жоғарыда Шахановтың шығармаларына төмен баға берілгенімен Аян жылдағы О.Бөкей атындағы көркемсөз оқу шеберлері онкурсын тамашалаған болсаңыз, осы сайыста ең көп жатқа айтылатын Шахановтың "Әке үкімі", "Отырар" поэмалары, "Түсініспеушілік теоремасы" деген өлеңі екенін байқар едіңіз. Және кез-келген адамнан кімнің өлеңдерін білетін сұрап, мониторинг жасасақ, (Абайды қоспағанда) алдыңғы орындарға Шаханов, Мақатаев, Мырза Әлі, Оңғарсынова секілді ақындардың шығатынына кәміл сенімдімін. Мәселе бұлардың өзге ақындардан мықтылығында емес, қарапайым халық жүрегіне жол таба білуінде, Халық ойынан шығуында. Ал, өзіме келер болсам Т.Жармағамбетовтің "Ақ жауын" жинағы, "Екі жүрек" Әңгімесі қатты ұнады.Сонымен бірге, кеңес дәуірінің жазушылары табиғатты көп суреттейді деген сындар айтылған, ал Мүсіреповтің шығармаларына не айтар едіңіздер?
Бахус
11-10-06 08:09
Маралтай ұлы маскүнем!
Оқырман-2
04-10-06 21:48
Қазақ жазушыларының алғашқы ондығына кімдер кіреді деген сұраққа жауап берейікші.
Менің ойымша
1. М.Әуезов
2. Б.Майлин
3. Ғ.Мүсірепов
4.М.Мағауин
5. Ә.Кекілбаев
6. Ә.Нүрпейсіов
7. Т.Әлімқұлов
8. Қ.Ысқақов
9. А.Сүлейменов
10. ???
Оқырман-2
Бекаға
02-10-06 15:26
Мен қызғанып тұрғаным жоқ. Өзім өлең жазбаймын, керек десең, түк жазбаймын. Оны қызғанып қайтемін? Бірақ білгім келеді. Неге ұлы деп айтатынын. Несімен ұлы екенін. Өлеңін оқып көрдім. Ұлы деген осы ма. Мысалы Мұқағали ұлы ма? Жұматай ше? Адай деген бар екен осы сайттан оқып білдім. Ол қалай? Мен бұл сұрақтарды пәле іздеп қойып отырғаным жоқ.
Асқар Сүлейменов, Мұқтар Мағауиндарды ұлы деп айтуға бол ма? Ұлы дегенді кімге қалай қоллдану керек. Орыстардың "Великий" деген сөзі ғой. Оны тірі адамға қатысты айтуға бола бере ме?
Бека
19-09-06 08:17
Оқырман-2, Маралтайдын ұлы екенін түсіндіріп ұққаннан, оқып ұққаның дұрыс. Аян айтар, әдебиеттің арғы атасы мен бергі атасын түгендеп. Аянның түсіндіргенін түсінбей қоясың ба деп қорқамын. Маралтайдың ұлы екенін біле тұрып сұрау ұят емес пе саған? Орынсыз қызғанышты қашан қоясыңдар? Маралтайдың әр өлеңі шедевр екенін шын оқырман болсан білер ең.
Оқырман-2
Аянға
17-09-06 23:41
Аян сен Маралтай үлкен құбылыс деп қоя салмай осы сөзіңді дәлелдеп кішкене болса да айтып өтсең. Несімен құбылыс? Өлеңімен бе, өзімен бе тұлғасымен бе. Бір екі дәлел келтіріп жіберсең. Мүмкін ұлы шығар
Досай
16-09-06 14:50
"Абай жолы", "Көшпенділер", "Аласапыран", "Мен" тағысын тағы...бірақ аз ғой...
"МЕН" деген кітапты оқыңдар. Жоқ дегшенде 5 жыл бойы рухтарың көтеріліп жүреді!
Оқырман-2
Талғатқа
15-09-06 21:51
Новель емес Нобель бауырым. Содан соң "Қазақ әдебиетін әлем тілдеріне аударып жалпы адамзат баласының қауылдауына лайықтаса " дегенді қалай түсіндік. Шамасы Сәуле Шаменова шала оқытқан ау.
Талғат
14-09-06 07:59
Аян, Мәлік соңғы кезде не оқып жүрміз ? Өте ойланатын сұрақ, кейінгі жас ұрпаққа оқитын дүние көп соны неден бастау керек?. Қазақ әдебиетін әлем тілдеріне аударып жалпы адамзат баласының қауылдауына лайықтаса қазақтың да марқасқа Ағалары Новель сыйлығын алар еді. Соңғы кезде Біз аудармадан ақсап жатқан сияқтымыз. Болмаса қазақ әдебиетіндегі белгілі жазушыларымызды әлемдік деңгейде көп тани білмейді. Ол бізде танымал кісілерге құрмет пен насихаттаудың ақсауынан деп білемін. Ал қазақ баласына соңғы кезде кітап оқымайсың деген жауыр болған әңгімені айтып миын ашытатын болдық. Оның бір негізі мектепте әдебиет пәнінің мұғалімінің өзінің пәнінің маңыздылығын дұрыс түсінбегендігінен болуы керек деп түсінемін. Көркем әдебиеттер көптеп шығады. Сол шығарылған дүниенің оқырман жүрегінен жол табуы қиындау кезең болды. Біз мектепте оқып жүрген кезімізде әдебиет пәнінің мұғалімі Сәуле Шаменова жоспарлы тақырыптан тыс шетел , әлем әдебиеттерін оқуды талап ететін. Сосын шығарма жазғанда берілген тақырып аясында қалып қоймай, көзқарасымызды соңғы жаңалықпен айшықтап жазуға үйретті. Соның әсері маған көп көмектесті. Өзім ҚАЗ МҰУ - ге механика және қолданбалы математика факультетіне тапсырғанда шығарманы 12 бет қылып жазып 5/5 баға алдым. Бұл менің ұстазымның өзіне жүктелген міндетін толық атқарып, шәкірті алдында парызын орындағаны. Соңғы атқарып жүрген жұмысымда жазуға қатысты болғасын маған әдебиеттің әсері көп болды.
Жас Казак
31-08-06 09:07
Егер мен "Жас Қазақтан" болсам, ешқашан атымды "Жас Қазақ" деп қоймас едім. Ол ортада жүрсем, мына сұрақтармен сіздерді мазаламас та едім. Әйтсе де, аузыңызға май, "сандырағыңыз айдай келіп", "дәу жігіт болғанда" мүмкін Талғат Ешенұлымен бірге істерміз. Бәлкім, "Қазақ әдебиетіне", болмаса Парламентке бас сұғармыз. Сонда сіздің "тапсырмаңызы" міндетті түрде орындайтын боламын.
Ансар
25-08-06 10:06
Жас қазақ, сенің сұрағың түсініксіз. Мұны жастарға емес, Ұлықбекке, Шахановқа, не болмаса өзіңнің редакторың Талғат Ешенұлына қоймайсың ба?
Жас Казак
24-08-06 12:29
Ассалаумағалейкум!
Аян, мен сізді түсінбедім ғой. Жігітсіз бе, қызсыз ба? Жарайды, маңыздысы ол емес. Маңыздысы, менің сауалдарым. Төмендегі сұрақтарымды жалпыға жариялағаныммен, Сізге бағыттап қойған едім. Көп оқығаныңыз көрініп тұр. Тұшымды жауап алам ба деген ойым болған. Сол жауаптан әлі де дәмелімін. Мені ңсұрақ белгісі бар сөйлемдеріме мұқият қарап, Пікіріңіз бен ақылыңызды қосарсыз. Ал енді сіздің көзқарасыңызға келейік. Әрине, Мұқағали да, Жұматай да сөз жоқ жүйрік ақындар. Дегенмен әр қаламгердің басына әрқилы тағдыр жазылған. Өлең қарапайым халық арасына қалай танылады? Той-томалақта, жиын-тойларда. Мұндай сәтте сіздің пәлсапаңызға ешкім бас қатырып жатпайды. Оларға дәл сол сәттегі көңіл-күйді дөп басатын шығарма керек.
Адай
22-08-06 12:08
Мәлік, мына Аян деген бәле саған тиісе берді ғой! Қорықпа, Адайлар ешкімнен қорыққан емес, қорықпайды да! Хабарлас, Ақтаудамын. Сындырып жіберетін қыз екен өзі...
Жүзтаныс
18-08-06 19:38
Өо, мен А.К. оқымаппын. Сізге өтірік, маған шын, кітабын таба алмай қойдым. Әдебиеттің айналасындағы біз бір-бірімізді таба алмасақ, қалған қалың оқырман туралы айтудың қажеті бар ма? Қазір жазатын халық сен менің ана шығармамды мына газеттен оқыдың ба деп, оқымадым десе, пікірін білгісі келген кісісіне ксерить етіп апарып беріп жүрген заман туды.)
Арал
16-08-06 21:03
Дұрыс. Әдебиетке нарық зиян болады деген күннің өзінде, дәл қазір жағаласу керек. Көп жазу керек, арасынан таңдап алынады. Жарнама қажет. Кітап дүкендері қазақтың қолында емес деп те көрінеді. Жаңа шыққан Қазақ кітаптарының тізімін қайдан алуға болар еді? Егер біреулер айтпаса, не хабарламаса адамдар ондай кітаптың бар екенін қайдан біледі. Қазақ Әдебиеті газетіндегі жаңа кітаптар тізімін екінің бірі оқымайды. Кітап шолушы теле бағдарлама қажет, не Қадыр мырза Әлі сияқты газетке басып, елді шулату қажет! Амал осы.
Мен
14-08-06 09:18
Айгүл Кемелбаеваны оқып бітірдім. Жақсы жазады екен. "Қоңырқаз" деген әңгімесі мистикаға құрылыпты. Жүзтаныс, Кемелбаева жайлы пікірің не? Сені тыңдайық?
Тікен
Қазпөшта
12-08-06 21:58
Қазіргі Қазақ әдебиеттің хәлі ауыр.
Менің арманым біреу ғана: Қашан Қазақ авторлар кітаптарды ақша табу үшін жаза бастайды. Жоқ, мемлекеттік гранттар немесе мемлекеттік тапсырыс үшін емес, мемлекеттік премиялар да үшін емес, ал нақты күнде өліп талып нан тауып жүрген 16 миллион халықтың ақшасы үшін.
Менің ойымша әдебиетке қатаң нарық келу керек, біздің жазушыларымыз маркетингке үйрену керек.
Халықтың сұранысын қанағаттау керек, халықтың кітап оқуға талпынысын ояту керек, кітап оқу "модаға" айналдыру керек. Әдебиеттанушылардың ойынша әдебиеттің сапасы төмендеп кетсе де милі, әзірше сапа туралы ойлану ерте, сірә Абайдан жақсы өлең жазылмас.
Ал ондай болмаса, біздің әдебиетшілеріміз өзінің адам түсінбейтін кітаптарды тек аспиранттар үшін жаза берсе Қазақ халқының мәдениеті мен тілі үлкен дағдарысқа ұшырауы мүмкін.
Менің сүйетін жазушыларым көп, олардың аттары да аталып кетті.
Тағы да айтарым қазіргі адамдар көбінесе кітапта форма емес мағына іздейді, сондықтан қазір өлеңдер мен прозаны өтірік "оюлаудың" қажеті шамалы, қазір адамға бай "краскілер" керек болса ол теледидарды қоса қояды, ал терең ойды тек кітап қана бере алады. Ал терең ойы жоқ немесе халыққа қызықты емес кітап жазудың керегі не, бір кітап - бір гектар орман екенін ұмытпасаңдар ағайын. Маған керек емес кітаптан гөрі орман қымбат, біздің шөлді Қазақстан үшін бұл өте маңызды.
Ая
11-08-06 17:14
Сәлем! Шетел жазушыларынан Стефан Цвейктің шығармаларын оқуды ұсынамын.
Аян
07-08-06 11:01
Салем...
Ым... қалдарыңыз қалай?
Жас қазақ, сенің ойларың дұрыс та шығар? Әркім әрқилы ғо опшым. Бәрі талғамға байланысты болатын шығар. Немесе біздің сүйікті Федорымыз бен тағы да миллиондаған адам үшін сүйікті қаламгер болған Толстойдың арасындағы сұмдық қырғи қабақтыққа қандай баға беруге болады.
Ал, ақындар жыланқы дегенге келіспеймін. Десе де, олардың жұмбақты, астарлы сөйлеген болып өлеңін қолдан күрделендіретіні жасырын емес. Әйтеуір күрделі болып тұрады. Оны ақынның өзі түсінбейді, не оқырман түсінбейді. Мұндай өлеңді олар өзін ұлық санату үшін жазса керек. Себебі, біздің қарабайыр ұғымда түсініксіздеу бірдеме жазған адамда ұлылықтың элементі бар деп санайтын түсінік бар ғо. Байқұстар түсініксіз өлең тудырғаны мен не айтпағы айдан анық бедерленіп тұратын Тыныштықбектің жалғыз екенін түсінбейді. Бізде сондай өлең өте көп. Өзің оқып қарашы, өлең деген жүрекке құйылып келеді ғой. Ал, көп ақындарымыздың өлеңді қолдан құрастырылады. Құрастырмалы өлең дегеніміз - қолдан күрделендіру дегеннің нақ өзі.
Мен Маралтай поэзиясын сұмдық жақсы көремін. Маралтай жыры күрделі жыр. Бірақ, Маралтайды түсіну үшін соның айналасындағы бірнеше кітап шығарып үлгерген ақындарды оқып алу керек бірінші. Бұларды ақын емес деуге болмайды. Қалай айтсам екен... Әріп Тәңірбергенұлы мен Шәкәрім Абайдың айналасында өскеніндей, бұлар да Маралтайдың маңындағы іргелі ақындар. Жалпы, Маралтай қазақ әдебиетіндегі үлкен құбылыс. Жарайды, ол жайлы тағы бірде әңгімелерміз. Осы ретте, мені үнемі бір сұрақ мазалайды. Жас қазақ, сен қалай ойлайсың, танымға ауырлау, поэзияда биік есім болғанмен жалпақ жұрт байқай бермейтін, мағынасын астарына жинаған жаухар жырдың иесі Жұматайдай ақын болған жақсы ма, әлде барлық адам білетін, санаға ұғынықты Мұқағалидай ақын болған дұрыс па? Бұл әрине ақындарға қойылатын сауал еді...
Менде өзім түсінбейтін бірнеше сұрақтар бар, кейбірі күлкілі де, мысалы, Федор мықты ма, әлде Шекспир мықты ма дейтін. Жас қазақ, кішкене басым ауырып тұр. Әңгімелесеміз ғо, чао!

Жас Казак
04-08-06 15:11
Осы күнгі ақындар жылаңқы болып кетті деген пікір орынды ма? Меніңше олар жылауықтан гөрі, астарлы сөйлеуге әуес болып алған сыңайлы. Дегенмен, астарда да қисын болу керек қой. Символмен сөйлеймін деп мағынасыздыққа ұрынып жатқандарды жиі байқайсың. Кейде оқып отырып, түсініп болам дегенше, шаршап қалатынымыз жасырын емес. Ал біреулер өлеңді оқып түсінбеген соң, ой мынау ғажап екен деп шыға келеді. Ал ойы бар, қарапайым, анық, тұжырымды нәрселер көрсе, оны мен де жазам ғой деген ойдың жетегімен менсінбей тастай салады.
Жас Казак
04-08-06 15:05
Айып болмаса, тағы бір сауал тастасам. Шектен тыс кітап оқығанның пайдасын талдап берсеңіздер. Жоқ, мұным кітаптың пайдасы шамалы деген әңгіме емес. Дегенмен, кітаптың пайдасын әркім әрқалай түсінеді. Жолдастарыма өзімнің тұрғымнан ұғындырайын десем, мен қабылдағанды олар, олар қабылдағанда мен қабылдай алмай жатамыз. Содан кейін ол жарықтықты тым көп оқыған, дұрыс па? Сонау антика заманынан бастап осы күнге дейін ел аузындағы шығармаларды оқи берсек, түрлі ой, түрлі көзқарас, түрлі бағыт миды ашытып жібермей ме? Кітап оқудың жүйесін қалай қалыптастыруға болады?
Жас Казак
04-08-06 14:58
Мен түсінбейтін бір мәселе бар. Ағалар мен апалар! Үн қосуларыңызды сұраймын.
Әдебиет кімге қызмет ету керек? Оқып-оқып, дөрекі айтқанда, оқу өтіп кеткендерге ме, әлде, қарапайым халыққа ма? Студенттердің 78 пайызы Шахановтың өлеңдерін жаттаса, Сіздер айтқан "қойыртпақтың" ішінде де солардың жандарына жақын бірдеме болғаны да. Сонда кім жазықты? Жастар жастанып оқитын жыр жазған ақын ба, жастанып оқыған жастар ма? Менің пікірім, қаламгер қаламын қарапайым халық үшін тербететін болар, өзінен "өресі жоғары" бәлкім ішінен пышақ айналмайтын әдебиетшілер үшін емес. Жұрттың бәрі Гарсиа Маркес боп кетсе, мүмкін әдебиетіміз шырқау биікте асқақтар, бірақ ел әдебиеттен безіп кетпей ме? Мәселен, мен сол сіздер айтқан 100 студенттің бірімін. Кітапты ел қатарлы оқимын. Төңкеріп тастаған түгім жоқ. Бір күні "Жүз жылдық жалғыздықты" қолыма алдым. Шыны керек, жүрмеді. Ол шығарманың нашарлығынан емес, немесе керісінше менің тым өресіздігімнен де болмауы мүмкін. Бұған қалай қарайсыздар?
Ақсұңқар
03-08-06 21:41
"Қалтайдың қалжыңдары" керемет дүние. Атамұра баспасы 2006
Оқырман
03-08-06 10:05
Талғат Кеңесбаевты оқығандарың бар ма?
Оқырман
01-08-06 08:36
Демалысқа шыққан депутаттармен бірге кітап оқитын қауым да қосыла кетті ме? Қандай кітап қараудасыңдар?
Еркін
18-07-06 10:30
Армысыз, бауырларым!
ѕдетте, осы сайтты ашып отырып, екеудіњ пыш-пыш ѕњгімесі мен љсегінен љзге теріп алар ештеме жоќ секілді кљруші ем... Мына пікірлеріњізді оќып бір серпіліп ќалѓаным... Рахмет!
Мәлік
Аянға
10-07-06 14:57
Армысың!! Жоқ ұмытқам жоқ,сырттан жігіттерді ді білемін!!!
Аян
10-07-06 09:12
Малик, "Біздің жақтың жігіттері,
Жігіттердің төресі,-дейтұғын баяғыыы әңгімені ұмытып кеткен жоқсың ба?
Жүзтаныс
05-07-06 19:30
Мәлік. Аян - Лира Қоныс болар, болмас, бірақ барлық талдаулары орынды. Әдебиеттің майын ішкен жан екені көрініп тұр. Арамызда осындай адамның бар екеніне қуаныштымын.

Ал, Дидар туралы пікірге келсек, Тұрсынжан Шапайдың "Мен Дидарды және Дидарды түсінетіндерді түсінбеймін" деген сөзін қайталағым келеді.)

Аян
05-07-06 12:45
Ақсұңқар, Сіздің ұсынысыңызға қосыламын. Қазақ әдебиетінде мұндай үрдіс жоқ емес. Мұхтар мен Шыңғыстың "қойыртпағы", Шерхан мен Камалдың "Елім саған айтамыны" секілді бірен-саран ұшырасып отырады. Қазір де жазып жатқан шығар. Ал, қаламгермен сайт арқылы сұрақ-жауап өрбіту деген... орындалуы екіталай нәрсе. Қай шығармагер алтын уақытын бөліп жауап берсін?


Малик
Ақсұңқарға
04-07-06 15:38
"біз Адайды түсінуіміз керек пе, қазақты түсінуіміз керек пе?"
Адайды түсінсеңіз қазақты түсіну еш қиныға соқпас болар
Ақсұңқар
04-07-06 01:56
Барлық форум тақырыптарының іщінде ең мазмұндысы осында ау деймін. Аянға рахмет. Аян сияқты тұлғалардың болғаны дұрыс. Айтылған пікір мысалдармен немесе түсіндірумен қоса жүрсе анағұрлым қызық. Басқа жағдайда әркім өз пікірін ғана айтып, тақырыбымыз қызық болмас еді. Жақында Андре Моруаның «Письмо молодому человеку о том как жить» деген кішкентай шығармасын оқып шықтым. Жас әдебиетші жігіт жазушыға сұрақтарын қояды. Жазушы әдебиет, саясат, әйелдер мен адамаралық қатынастар, қандай кітаптар оқу керек екендігін (атын атамаса да өзінің жүйесін), т.б. көптеген мәселелер бойынша өз пікірі мен кеңесін айтады. Осындай әдісті біздің де әдеби ортада жие пайдалансақ. Әрине, мұны қарапайым дүние деуге де болар. Дегенмен заманға сай, көп адамның қолына тиетін мүмкіндігі бар дүние болары сөзсіз. Осындай шығарманы Мұқтар Мағауин «Ұлтсыздану ұраны» деп жазды да. Газет мақаласы ретінде емес, интернеттен алып оқуға болатын немесе дәл осы форум арқылы сұрақтарымызға жауап алатын мүмкіндік болса көптеген жастар үшін пайдалы болар еді. Мұны да тәрбие әдісі ретінде қарастыруға болады. Заман талабы жаңа әдістерді талап етеді емес пе? Шет елде жүріп жаңа шығармаларды табу қиын.

Мәлік, Адайды түсіну үшін Адай болуың керек дейсің. Мыңыздысы да осы! Әдебиет қазақ қазақты, адам адамды түсінуді көздейді. Американдық немесе Жапондықтың қасында екеумізді біріктіретін не қасиет? Түріміздің ұқсастығы ма, әлде тіліміз бе? Айтшы өзің, біз Адайды түсінуіміз керек пе, қазақты түсінуіміз керек пе?

Sara
01-07-06 10:15
дидардың барлық жазып жүргендері массқара ғой, адам түсінбейді, рас айтам қанша талпындым түсінейін деп, еш нәтиже шықпады, қастерле мені деген кітабы қолға түсті (автордың өзі силаған) сосын ғой ал енді керемет шығар деп оқысам ужас, түк түсінбедім, одан басқа да туындыларын да әдейі іздеп оқыдым, кошмар ғой тұнып тұрған сандырақ, қайран қор болған қағаз қалам дейсің, өзіне айтуға ыңғайсыз, мүмкін менің пікіріме келіспейтіндер табылар.
Оқырман-2
27-06-06 12:58
Жүзтаныс, менің ойымда ешкімді ренжіту жоқ еді. Жай өзімнің көзқарасымды білдірген едім. Егер қатты қалжыңдап қойсам, ренжімессің. Аян да Лира болсаын болмасын менің шаруам аз. Барлығы осылай деп ойлайды, деп ойлаймын.
Жүзтаныс
16-06-06 19:40
Оқырман - 2
Жақсы әңгіменің шырайын кетіретін сен секілділер жүрмесе, қазақ қазақ бола ма?
Оқырман-2
16-06-06 12:39
Жылы жылы сөйлесең жылан інінен шығады демекші Мадина інінен шыға ма деп жатқаным ғой. Оны мен Алтын ордадағы стилінен танып тұрмын. Айтпаса өзі білсін. Маған да керек емес. Ал Аянның Лира Қоныс екені өзі-ақ түсінікті. Менің жыныма тиетіні осы екеуі өздерін би көсем сияқты ұстағанды қашан қояр екен. Екеуін тәубасына келтіретін бір Мағауин керек болып тұр.
Мәлік
Аянға
16-06-06 10:43
Армысың ! Аян мен сені жақсы білемін ғой бірақ сенің ой-өрісің ,алған білімің Әбіш , Сабыр секілді азаматтардың дүниесін оқып танысуға жеткенмен ,талқылауға не болмаса олар туралы немесе олардың шығармалыры туралы пікір айтуға жетпейді.Адайларды түсіну үшін сен не Адай болуың керекте немесе Маңғыстауда туылуың керек. Жалпы сен сол өзің ойлап тапқан әлемнен басқа әлемді түсінем деп айтпай ақ қойсаңшы ,Ай астындағы қос жынысты адамдар сияқты дәлдүріш немесе ергежейлі нәтуан жігіттер сияқты бірдемелеріңді жазып жүре бер .Жақсы ма ботақан ал улкендердің жұмыс ол тек қана үлкендердің жұмысы .

Оқырман
15-06-06 17:21
Оқырман- 2, мұнда кімнің қандай атпен келіп жүргені маңызды емес, шығарма туралы ой айту маңызды. Сондықтан, кімнің кім екенін білгін келіп соңына түсіп қайтерсің? Кітапты сол кітапқа жақын адамдар ғана оқып жүр емес пе? Жалпы форумнан ең дұрыстауы осы тақырып екенін білерсің деп ойлаймын.
Не оқыдық, не түйдік соны айталық.
Оқырман-2
15-06-06 12:47
Жүзтаныс сөз саптасыңа қарағанда Мадинасың. Мен сенің сөз саптасыңды жүз адамның арасынан ажыратамын.
Құрметпен, Сенің Оқырманың
Оқырман-2
15-06-06 12:44
Аян қарындасым, снің ежалпы сөзің дұрыс болғанмен де кей жерінде кішкене таяздық көрсетіп қоясың. Көп оқығаның көрініп тұр бірақ көп оқыған адам көп жақсы түсінетін болмаушы ма еді. Сөзіңе қарасам орта жүздің қызы секілдісің. Арғын Найманның. Лира Қоныс болып шықсаң да таңғалмаймын.
Аян
15-06-06 09:58
P.S.
Малик, адайда кеткен кегім жоқ. Бірақ, құдай үшін Сабыр Адайдай арғымақ ақынды саясаттың жаман мәстегіне мініп тепеңдеп жүрген Әбіштей ескі прозашымен қатар салыстырмашы, жарай ма?
Аян
15-06-06 09:49
Жүзтаныс, Әбіштің шығармашылық өнері мүмкін тоқыраған шығар, мүмкін өзі жазбай жүрген шығар. Сіз айтқандай, бұл өзге адамға қатысты емес. Құдай дарынды жеке адамға бергендіктен, оны ары қарай дамыту мен дамытпау жеке бастың ісі. Бірақ, оның алғашқы шығармаларын оқып тұшынған оқырманның (Бұл менің "Үркерді" парақтаған соң айтқан ойым) одан кейін да жақсы дүние талап етері заңды емес пе? Мен осы тұрғыда айтқан болатынмын, немесе Әбіш ағамыз билікте жүрмек тұрмақ, Маңғыстаудың құмына барып түйе бағып кетсе де шаруам жоқ.
Ал, Сіз айтқан мәңгүрт мәселесіне келсек... бұл көптеген әдебиеттанушының өкінішпен айтатын пікірі. Шығарманың жазылу тарихына назар салшы. Тек қана оң қадам басып әдеттенген Айтматовтың көлемді дүние жасау негізінде ұтқанын әлем біледі емес пе? Дәл осы сюжеттің қырғызға кетіп қалған үшін жаны ауыратынның бірі мен. Себебі, Шыңғыстың прозасында осындай мықты сюжеттер ғана кездеседі. Айтматов "СССР қолдан құрастырған миф" деп пікір айтқан әдебиеттің Амантай қажысына айналып кеткен Алдамжаровтың пікірінің жаны бар (мылжыңдап баяндай беру кімге ұнасын). Ғамзатовты ақын деуден гөрі Шәміл тәрізді тау халықтарының үлкен дауысты жоқтаушысы деп бағалауға болатын шығар. Ал, Шаханов поэзиясы... оған деген халықтың сүйіспеншігі... Ал, халық... жә, жарайды. Грибоедовшаласақ, әлемдік руханияттың күмбірін кез-келген ұға бермейтін аспапта ойнағаннан, сол қоғам мен сол адамның балалайкасын созғылаған қаламгер қашан да үлкен ұтысқа ие болады.


Аян
15-06-06 07:59
Малик, салем! Кал калай?

Жүзтаныс
14-06-06 19:43
Аян, сен шынымен де мәңгүрттік идеясын Әбіштің "жаңалығы" деп санайсың ба? Оны шынымен Айтматов ҰРЛАП алды дегенге сенесің бе?
Жүзтаныс
14-06-06 19:35
Ақтаудан
Расул Гамзатовты "Менің Дағыстаным" кітабы үшін, сол кітаптағы рух үшін ғана әдебиет әлемінің төріне жіберуге болады. Әбш Кекілбаев туралы Аян біршама қызуқанды пікір білдірген екен. Мен Аянға қосыла отырып, талант әр адамның /талантты адамның/ жекеменшігі, ол өз таланты үшін ешкімнің алдында соның ішінде оқырмен мен ел-жұрты алдында міндетті емес, қаласа жазады, қаласа жазбайды дегім келеді. Саясат - Әбіштің құқығы. Назарбаевтың сөзін жазып берсе де, қайда жатыр. Ол да екінің бірінің қолынан келмейді. )
Жүзтаныс
14-06-06 19:28
Аян мен сенің студенттеріңнің М.Ш. ағамыздың жаттап келгені еш таң қалдырмайды. Ал сенің сол сәтте талып қала жаздауыңды жастығың мен тәжірибесіздігіңмен ғана ақтай аламын. Менің айтып отырғаным - өлеңнен жалын мен дәмді сөз, былжыраған мағынасыз асқақ символдар ғана емес, тереңдік, интеллектің ойынын, астар іздейтін адам үшін М.Ш. өлеңдері тіске басар да бола алмайтыны туралы еді. Ал сенің студенттерің адайы бар, басқасы бар кәдімгі қазақтар ғана. Содан соң жас. Мен мысалы ұят та болса айтайын мектепте оқып жүргенімде М.Ш. "Құз басындағы оқиға" деген дастанын жаттап алып, орынды орынсыз оқығанды жақсы көретінмін. Қадыр мен Фариза Оңғарсынованы ақындықтың шыққан ең құз жары деп қабылдайтынмын. Ал, қазір олай есептемеймін.
Мәлік
Аян қарындасыма
14-06-06 09:51
Армысың қарындасым! Рахмет көп мағынлаы сөздер айтып ,пікір білдіріпсің. Білімді ,жан -жақты көзі ашық қарындасым екенің ой саптауыңнан көрініп тұр.
"Ақтаудан, Ақтаудан болсаң адай шығарсың. Ал, адайлар Әбіш ағасы Шымкенттен шығатын сары басылымға мақала жазса да табынып оқиды емес пе?"
Адайда жазушы да ақын көп .Сабырмен Светқалидың өзі неге тұрады бірақ Әбіште немесе Адайда қалған кегің бар ма еді ?Әлде қазақшылығың ұстап Әбішекемнің абыройын көре алмай отырсың ба?
Аян қарындасым .

Пірлі өлкең-мекен,ашығып келіп
басынып кеткен түрлі ұлтқа
Кімдер жүргенін білер ме рухың
сен тастап кеткен көшкен тұл жұртта?
Сенің нәсілің көзіңе түссе ,
Түндігін қымтап,шықпайды
Тығылып алып күн бұлтқа...
дегендей көп сөйлеп басты ауртпасаңшы қарағым ...
Аян
14-06-06 09:27
Ақтаудан, Ақтаудан болсаң адай шығарсың. Ал, адайлар Әбіш ағасы Шымкенттен шығатын сары басылымға мақала жазса да табынып оқиды емес пе?)))
Әбіш "Үркерден" кейін не жазды? Саясаттың шеңберінен шыға алмай қалмады мааа... Әрі кетсе Нұрекеңнің баяндамасын жазып беретін шығар (Ха ха ха!).
Мен Әбіштің прозасына екі нәрсеге байланысты үлкен аянышпен қараймын. Біріншісі, саясатқа араласамын, мансап қуамын деп тәп-тәуір құдай берген дарынынан айрылып қалғандығы. Екіншісі, мәңгүртизм туралы мықты сюжетінен (Айтматовтың ұрлап алуына байланысты) айрылып қалуы...
Басқа ештеме де емес!
Аян
14-06-06 09:21
Жузтаныс, сенін "Танакөз" туралы аныктамаң, атап айтсақ, "сенің айтып отырған Танакөзің де егер жақсылап бір қарап шықсаң, тракторшы жігіттің басына жастап жатуына ғана жарайтын дастан" деген жолдар, бұл шығармаға берілген ең жақсы бағаның бірі. Бірақ, енді мынаған назар аударшы, аспирантура қабырғасында жүрген кезімде студенттерге біраз уақыт дәріс оқығаным бар-ды. Бірде жоспардан тыс тапсырма бердім. Өзіне ұнайтын бір ақынның өлеңін жаттап келу туралы. Нәтиженің қандай боларын асығып күткенімде қазақ тілі мен әдебиеті мамандығы бойынша білім алып жатқан 100 студенттің 78-і (!) Мұхтар Шахановтың өлеңдерін жаттап келгенін көріп талып қала жаздағам. Мен сол кезде Шаханов пен Тыныштықбектің кітабы қатар тұрса Тыныштықбектің кітабын оқып, Шахановтың кітабын ұйықтағанда бетіме жабу үшін пайдаланатын едім (бетімді кітаппен бүркемесем ұйықтай алмайтын әдетім бар). Мұнан соң маңдай алды студентерімнің көбі Тыныштықбектің есімін де естімегенін білгенде ойлануға тура келді. Содан бері Шаханов поэзиясына күмәнмен қарағаныммен, жалпы халықтық мәнге ие екенін жиі ойлаудамын.
Ақтаудан
13-06-06 23:42
Сүйікті жазушым Әбіш, сүйікті ақыным Расул Гамзатов. Меніңше, олардан артық нағыз адамдар туралы, нағыз өмір туралы асырып жазған ешкім жоқ.
Жүзтаныс
13-06-06 19:28
Мен "Талғамға келгенде талас жоқ" деген сөзді осы парақшаны қарап отырып есіме алдым. Мұхтар Шаханов туралы ойымды білдіре кетсем. Ол кісі аты бар, қазағым деп сөз бастауға құқылы атқамінерміз ғой. Айқайы мүмкін шынайы болар, мүмкін әртістік болар мен білмеймін. Бірақ ол кісінің ақындығының бар екені рас. Ақындықтың бірақ деңгейі әртүрлі ғой. Біреулер интеллектуалды поэзияны жазады Жұматай секілді, Мұқағалиша лирика деңгейінде өреді немесе қарабайыр халықтың түсінігіне лаықтап Шахановша қол сермейді. Шаханов - қайраткер ретінде базар жоқ, бірақ ақын ретінде жақсы шоумэн ғана. Аян, сенің айтып отырған Танакөзің де егер жақсылап бір қарап шықсаң, тракторшы жігіттің басына жастап жатуына ғана жарайтын дастан.
Аян
13-06-06 08:33
Alligator Koltirauin , "Жаңа Қазақтар" маңызды дуние ме? Мухтар агамыздын жас кезінде жазылған оқуға болатын үш төрт өлеңін жылда бір кітап етіп қайта-қайта шығара беретін әдеті бар емес пе? Бұл да солай деп ойлаймын. "Танакөз" секілді атам заманда жазылған өлеңдерімен ақын ретінде танылып жүргені болмаса соңғы өлеңдері тап - таза журналистік бағыт болып кетпеді ме? Мен "Жаңа қазақтарды" оқып шыққанмын. Онын ерекше несі бар? Агамыздын сол баягы бітпейтін артистік поэзиясы емес пе? Бәлкім, сіз біз көрмеген құнды жағын тапқан шығарсыз? Айта отырыңыз...
Оқырман-2
09-06-06 23:19
Аян, Бейбіт Сарыбай емес екеіңе сенемін. Себебі сен қазақ жазушыларын тәп-тәуір талдап отырсың ал Бейбіт сарыбай жас бала, ол бұлай талдай алмас. Жазуынан да көкпеңбек қазақша айтасқ сары ауыз екені көрініп тұр. Сенің кім екенің маңызды емес. Мен өз басым қазақтың ескі прзасын жақсы оқимын, Бейімбет, Мұхтар Әуезов, Қалихан, Мағжан, Ілияс Жансүгір, Сүлейменов Асқарды.. Ал қазіргі жастарды қабылдай алмаймын. Мадианын оқыған емеспін, маралтайды оқыған емеспін. Дидардың осы соңығғы шыққан Гүлдер кітаптар дегенін қарап шықтым. оқыдым деу қиын болған соң осылай деп тұрмын. Аяғына жете алмадым. Егер қазіргі әдебеит осы болатын болса мен білмеймін. Ал Жас толқын деген жинақты оқып шықтым. Содан соң мен осы журналистерге ешбір қатысы жоқпын. Әйелімнің қатысы бар. Содан соң кейбір жастарды оқығанмын, кейбір жастарды оқымағанмын. Көбінесе ескі өзіміздің әдебиетті оқимын.
Alligator Koltirauin
aloshnik@mail.ru
08-06-06 15:05
Мұқтар Шахановтың "Жаңа Қазақтар" кітабы керемет екен.
Аян
08-06-06 12:15
Окырман-2, мен ешкандай да Бейбіт Сарыбай емеспін. Бейбіт Сіз ойлағандай өз атын өзі шақыратын көкек емес, мақтауы мен насихатталуы онсыз да жетіп артылатын азамат.
... Ал, мен, сол қатардағы оқырманның бірімін Сіз секілді.
Бірақ, Сізбен әрі қарай пікір жалғасады деп сенемін.
Оқырман - 2
07-06-06 19:40
Аян мен сенің кім екеніңді білмеймін. Бірақ Мадина Омар дегеннің әңгімелерін оқығаннан кейін осы сайтта кездесейік дегім келеді. Мен оның мақаласын оқыдым Алтын ордадағы бірақ ішінен іштарлықтан басқа еш нәрсе көре алмадым. Өзі жазыпты бұл жинаққа әңгімемді беріп едім Бексұлтан Нұржекеев баспай қойыпты деп. Ол жинақты мен оқыдым. Ол Сен айтқандай немесе Мадина Омар айтқандай жаман емес. Айтпақшы ол да Бейбіт Сарыбайды ғана мақтапты. Соған қарағанда сен Бейбіт Сарыбай емессің бе?
Аян
07-06-06 08:01
Айтпақшы, "Жас толқында" Ләзиза Имашова дегеннің шығармаларын парақтасаңпроза оқыған секілді емес, кілем тоқып отырған қыздардың әңгімесін тыңдап отырған секілді болады екенсің.
Аян
07-06-06 07:58
Оқырман 2, жазушылар одағында мүйізі қарағайдай бір қаламгер ағаммен жолығысып қалдым. Ол кісі айтады: Қазір поэзия жоқ деп. Неге деймін ғой мен. Сөйтсем, сөйлейді: 1970 жылдардагыдай поэзия жоқ, т.б. болса да нашар деп. Сұраса келе мен мынаны түсіндім. Ол кісі бүгінгі поэзиядан ештеме оқымапты. Ал, түк оқымай тұрып көркем шығарма мен оның авторы туралы бірдеме айту үлкен қиянат емес пе? Өзім әр шығарманы кемінде екі рет оқымай ол туралы байлам жасауға қорқамын.
Осы тұрғыдан алғанда... сізге... Мадина Омардың мақаласына қатысты "шалажансар" бірдемені сойдақтата салудан гөрі оның кім екенін және не жазғанын оқу керек болатын.
Айналайын -ау, білмесеніз сұрап көріңіз, бір қауым елміз гой, айтар едік.
Мадина Омарова сіз айтатындай "біреу" емес. Қаламы қалыптасқан жазушы. "Ақша іздеген бала", "Жұмбақ", "Жол үстінде" секілді әңгімелерін бұл пікірімізге дәлел болар еді. Бірақ, окінішке орай сіз проза оқымайтын жан болып тұрсыз...
Ал, "Жас толқынға" келсек, шын мәнінде оны кітап деп айту... Бексұлтан ағамыздан ұят арине. Немесе, оқыған жан білер еді, үп-улкен кітап ішінде жақсы жазылған деп атауға болатын жалғыз Бейбіт Сарыбайдың "Мейірім" атты әңгімесінен өзгесі... өзге авторлар кешіріп қояды деп ойлаймын, бұл пікірім үшін...
Оқырман - 2
06-06-06 20:18
Жақында Алтын ордадан Мадина Омарова деген біреудің Жас толқын жинағы туралы жазған мақаласын оқыдым. Өзін жазушымын деп жазыпты. Оның бірде бір әңгімесін оқымаппын. Осындай белгісіз жазушылар жазуға үйретіп ақыл айтатын болыпты. Оның өзіне ақылды кім айтады екен?
Оқырман
05-06-06 08:40
Нобель сыйлығын алған шығармалар туралы не айта аламыз? Мундай шыгармалар коп емес. Олардын несі мыкты? Аян, сен қалай ойлайсың, қазақтан Нобель сыйлығын Асқар Сүлейменовке беру керек деген ойым бар. Екеуміздің қолымызда тұр ма, дерсің?)))
Оқырман - 2
03-06-06 14:39
Айгүл Кемелбаеваның Қоңыр қазы жақсысы жақсы. Мұнараны оқи алмадым, жүрмей қойды. Мен қазір Алан маршалды оқып жатырмын. Көлшіктерден секіре аламын деген романын, керемет дүние. Сұмдық дiр едім мен.
Аян
31-05-06 18:33
І-і-і-ііі... Сәлеметсіздер ме? Ыммм... Не жаналық? Не оқып жүрсіздер өзі? Мен соңғы кезде мулдем кітап оқи алмай жүрмін. Саганды бір қайталап оқып едім, есірткі шегіп отырып жазған кезіндегі шығармалары қолыма түсіп қалды ма, білмеймін. Көп мылжыңдап кетіпті. Сосын тастадық. Алыста жақын елдер әдебиетінде қандай жаңалықтар болып жатыр ( орыс Набоковтан баска)?
"Лит. газета" не жазып жур? Соңғы айларды мүлдем оқымадым. Оқыған болсаңыздар бөліссеңіздер екен, хабардар болып жүрейік. Осы газеттегі көркем шығармадан гөрі жекелеген топтардың айтыс тартысы оқырманды көбірек қызықтырады гой деймін.
Кімді оқып жүрсіздер, жалпы? Кемелбаеваның "Қызметші қыз" жо-жоқ, "Күтуші қыз" ба..? Әйтеуір сондай бірдеме (миым кітаптың авторы мен сюжетін ғана есте сақтауға жетеді) оқып едім... Теориялық еңбек оқып отырғандай болады екенсің. Бұл жаңа үрдіс емес әрине, әлем адебиетінде Лауренс деген болған. Прозасы теориялық еңбекке ұқсайтын. Содан алынған үлгі ғой деймін, иә? Сіздер қалай ойладыңыздар? Бұл үлгі біздің қазаққа ауырлау екен беее өзі... білмеймін.
Оқырман, бұл сен жазған "Мұнара" деген романдағы дүние екен. Роман деуге келмейді го опшым. Ертеректе А. Кемелбаеваның "Қоңыр қаз" деген дүниесін оқығанмын. Әдемі еді. Кітаптың мазмұнын айтуды қаламаймын, бірақ, білмейтіндер үшін түсіндіре кетпекпін, кішкене қыз құстың суретін салып жүреді де, күндердің күнінде арқасына қанат бітіп аспанға самғап кетеді. Ұшу, қанат біту, самғау секілді детальдардың барлығы фольклорға тән десек, енді бұл шығарманы түсіндіруші мылжың әдебиетшілеріміз енді мифологияның айналасында әңгіме дүкен құратын болар. Бірақ, Айгүл апамыздың бұл әңгімесі ежелгі дәуір әдебиетіне тән танымнан тыс жатқан дүние екені даусыз. Осыны әдебиетшілеріміз қиянат жасамай талдаса екен. Кітап оқимын деушілерге мұны оқуды тапсырар едім.
Аян (Айгерімге)
31-05-06 17:55
Сенің Мұқағали поэзиясы турасы ойына "жарқыным" деп аяқталатын создермен шектеу койган мен емес едім. Казір окып таңданып отырмын. Ау, жұрттар, біреудің атынан жазған ұят емес пе?
Оқырман-2
26-05-06 19:49
Аян, мен сені толығымен қостаймын. Бірақ суреттеудің көркемдік тәсіл ретінде мүлде модадан қалды дегенге аздап қарсымын. Себебі әдебиеттің әртүрлі болады. Егер әдебиет тек Мадинаның әңгімелері тектес пішінге енсе, оқырманды жалықтырып жіберер еді дер едім. Марсель Прусты сүйіп оқитын адамдардың арамызда мыңдап саналатынын ұмытпау керек. Оралхан бөкей туралы жақсы айтыпсың. Келісемін.
Айшешек
26-05-06 10:28
Ќазаќ єдебетіндегі меніњ ењ жаќсы кµретін жазушым - Оралхан Бµкей.
Дулат Исабековты "Ќарѓын" романы ‰шін ќ±рметтеймін.
М±хтар Маѓауинніњ шыѓармаларын тебіренбей отырып оќу мен ‰шін м‰мкін емес.
Біраќ соњѓы кезде ыќыласым ќазаќ єдебиетінен гµрі шетел єдебиетіне кµп ауып кетти, сондыќтан да жас жазушылардыњ шыѓармаларын (наќты айтар болсам Лира, Дєурен, Талѓат, Айгулдердіњ шыѓармалары) оќыѓан жоќпын.
Ќазаќша кітаптар интернетке шыќса ѓой шіркін. Ќандай жаќсы болар еді. Онда олардыњ шыѓармаларыныњ бірін ќалмастан оќыр едім.
Ал, ќазаќтыњ оларѓа дейінгі єдебиетінен хабарым, білетінім мол деп есептеймін.
оқырман
25-05-06 12:33
Аян, сен ақылдысың. Қойшы енді, бопты.
Аян
24-05-06 16:01
Көшпенді, Сіздің пікіріңізге айтар дауым жоқ. Ол Сіздің өзіңізде қалады. Біреу үшін түкке алғысыз болғанымен, ол Сіз үшін құнды шығар. Мен бар болғаны суреттеудің бүгінгі әдебиетте мода емес, тіпті, мүлдем қажетті жоқ, оқырманды бездіріп жіберетін форма екенін ғана айтқым келген. Бұл тұжырымды аспаннан алған жоқпын, Мадина Омардың қысқа ангімелерін оқып біткен соң "Қарағанды" мен "Абай жолын " оқып шығып, мұны оқуын талап еткен маған "суреттеуден жалықтым, енді қайта қолыма алмаймын. Суреттеуден ешқандай өзіме қажетті құндылықты ала алмадым" деген он төрт жасар інімнің және көптеген бүгінгі оқырманның сөзінен түйдім.
Көшпенді
24-05-06 11:54
Аян жаным, Орекең тәбйғатты суреттесе несі жаман, мен Оралханды оқып, Қытайда отырып ақ алтайды көзіммен көргендей боп қызығып, бір баруды арман етіп жүрмін. еңбек қандай словпен жазылуынан қаттйназар, ол оқырманға таза, тұнық, көркем сезім бағыштай алуымен құнды деп ойлаймын.
Аян
23-05-06 10:28
Кітапқұмар, Оралханның бұл шығармасы "Атау кере" және "Қауіпті будан" деген атауларымен ғана құнды деп ойлаймын. Өйткені,қазақ атау кере деп адам өлген кезде ұрттатын соңғы суды атаса, кейіпкер Тағанның арақ ішуі арқылы қазақ халқының араукересіне арақтың айналып бара жатқанын көрсетеді. Оралхан бұл тұста Мұзафаршалап сөзді ойната білген. Екінші атау, "Қауіпті буданға" келер болсақ, Американдық ара мен Алтайдың арасынан пайда болған гибрит ара - Кеңес одағы тұсында екі ұлттың арасынан туған баланы атауы деп ойлаймын. Осы ретте, Оралхан біріншіден, гибрит араның Нюра кемпірді шагып өлтіруі арқылы - екі ұлттың өкілінің ортасынан екі мәдениетке де қауіпті адам өсуі мүмкін деген, екіншіден, Еріктің екі ұлт арасынан пайда болған бала екенін, оның жантөзгісіз мінезін көрсету арқылы тағы да екі ұлттың ортасынан өніп шыққан ұрпақтың мінезін береді. Атау кереге қатысты байлам өте дұрыс. Бірақ, екінші дәлел негізсіздеу. Адам деген қастерлі есімге бір жақты қарауға болмас. Романды жазудағы (Оралхан бұл дүниесін Повест деп танығанымен, мен роман деп білемін) автордың басты қателігі осында жинақталған.
Бұл ретте, кемшіліктің өзі шығарманы биік етіп көрсетуге атсалысып тұрғанын ұмытпайық. Немесе, басқа тарапында іліп аларлық ештеме де жоқ. Айталық, Тағанның бойындағы аздаған гуманизм сақталғанымен ғана бұл кейіпкер ерекшеленеді. Бірақ, жаңалық емес, керек десеңіз, қоғамның сынағын көтере алмай, ішіп кеткен аспиранттар Мағауиннің кез-келген шығармасында өріп жүр. Айна секілді жүрегінде мейірімі болғанымен, күйеуі оңбай, тағдырына налып ботадай боздап жүретін келіншек бар шығармада ұшырасады. Нүрке кемпірдің образындағы өзінің төл діни сеніміне деген беріктік (былайғы уақытта намаз оқып жүрген қарияның дәл көз жұмар алдында шоқына бастауы) шығармадағы ең ерекше сюжет саналғанымен де, намысы бойында, баласы үшін жанын пида ететін шешелер бейнесі қазақ ауыз әдебиетінде тіпті көп.
Кітапқұмар, сенің пікіріңмен санасамын, дұрыс айтасың. Оралхан дегеніміз суреткер жазушы, шығармаларын қаламмен жазбайтындай, тау аңғарында қағазға сурет салып отыратындай. Мұрынға таудың иісі келетіні бар, құлағыма тау құстарының дауысы естілетіндей ме... Бұл оның суреткерлігіне қатысты айтқан пікірім.
Бірақ, мынаны ұмытпағанымыз жөн: Бүгінгі таңда созбалақтатып табиғатты суреттей беру тіпті де мода емес. Екі сөйлемнен артық суреттеу болса оқырман жалыға бастайды. Үшіншіден, табиғатты суреттемей-ақ ойды жеткізуге болады.
Шығармаларының тіліне келетін болсақ, газеттін тілі тым басым екенін көрініп тұрады. "Жетім ботасы" әдеби шығарма деуден гөрі, қала салып қайтқан архитектордың журналистік тілмен жазылган жолжазба естелігіне уксайды. Қыстыкүні қаладан ауылына бара жатқан жолда қасқыр жеп қоятын Ажар деген кейіпкер қыз туралы әңгімесі бар (атын ұмытып қалыппын) Мұнысы тап-таза очерк енді.
Аян
23-05-06 09:50
Айгерим, сен дәл мынадай пікірінмен Мукагали поэзиясын мактамай-ак қойшы, жарқыным.
Мен
19-05-06 19:31
Мен өз басым әлі кітап оқитын адамдардың бар екеніне тәуба етіп отырмын. Кітапты қазір тек кітапқа )көркем шығармаларды айтамын) қатысы бар адамдар ғана оқитын тәрізді. Былайғы жұрт, бұрғының тілімен айтқанда оқырман дейтін жұрт қазір жоқ болып көрінеді. Сіздер қалай ойлайсыздар?
Айгерим
19-05-06 06:29
САлем! Ал менин суикти акыным Мукагали Макатаев. Неге десениздер, ол киси аналар, кыздар, кыздарды калай курметтеу керек екендиги жайлы коп-коп жазган.
Кітапќўмар
18-05-06 13:06
Оралхан Бґкейдіѕ "Атау кересі" туралы не айтасыздар? Мен осы романды ќанша оќысам, сонша жаѕа ой табам. Сіздер ше?
Оқырман-2
15-05-06 12:51
Аян Асқар С. туласа тулаған болар, бірақ мен өз басым Д.И. аузынан естідім. Бұл роман А.С. туралы дегенді. Баланың кімдікі екенін шешесі ғана біледі, дейтін әңгіме ғой бұл жерде. Романды өзім оқыған жоқпын бастап көрдім де оқи алмай қойдым. Мен Д.И. ешбір кітабын оқыған емеспін. Мамандығым басқа сала болған соң бұл жердегі қыздар кешіреді деп ойлаймын )) Ал, А.С.ның барлығын оқыдым.
Аян
11-05-06 16:07
Окырман-2, сен шатасып кеттін. Дулат агамыз Аскар туралы жаздым деп озін сендіріп журсе журген шыгар. Аскар туралы жаздым деп айтса айткан шыгар. Бул ой логикага аздап жакындайды. Ойткені, Аскардын пан мінездері бар романда. Бірак, жалпы окырмандар білмейді гой, базбіреулердін "Аскар, Дулаттын "Каргыны" сен жайлы дегенді естігенде Асекеннін калай-калай тулаганын...
Оқырман-2
10-05-06 22:12
Қарғын -Асқар Сүйлейменов туралы роман. Бұны барша жұрт біледі. Бірақ Д.И. шынын айту керек ортанқол жазушы. Асқар С. екеуінің дос болғандары бар. Өз деңгейінде шықпаған дүние ғой деп ойламйын өзім.
Аян
Тағы да айтарым
10-05-06 15:08
"Қарғынды" 100 пайыз классика деп осы форумдағы базбіреулердей ақтаудан аулақпын. Логикалық қайшылықтар, артықтау образдар жетерлік екенін еске түсіргім келеді. Дулаттың бір кемшілігі - осы роман барысында көбіне-көп өзіне ұнамаған кейіпкерінің палитрасындағы бояуды тым көбейтіп қаралай түседі де, ұнаған адамын сүттен ақ, судан таза етіп бейнелейді. Осындайды қойуымыз керек қой. Барлықтарыңыз Жасын жақсы дейсіздер. Әрине, ол қайдан жақсы болмасын егер жазушы ер адамға тән, және әйелдер жақсы көретін барлық мінезді тек қана соның бойына тізіп қойса?! Және ол асқан білімді, ол асқан дарынды жазушы... (тап осындай мінез бір адамның бойында болу мүмкін бе өзі?) Бұл үрдіс бізге кеңестік реализмнен жұққанын айтуымыз керек. Айталық, Сәбит деген "жазушының" Ботакөз романында (мен оны 14 жасымда әкемнің көңілі үшін ғана оқығанмын) Ботакөз бен Асқардан асқан періште жоқ, Итбайдан асқан шайтан жоқ болатын. Жасынның бойындағы "керемет мінез" осы идеологияның сарқыншағы. Бұл аталмыш романды сүйетін көптің көзімен қарағанда елеусіз ғана фактор болуы да мүмкін... (Чао! Артық сөйлеп жіберсем кешіріп қоярсыз. Форумда кездесейік)
Аян
10-05-06 14:54
"Қарғын" романы туралы сөздің бітпегені дұрыс. Әрине, Арман қарапайым оқырман деңгейінде сөйлеп отыр. Камюдің керемет бір әңгімесі бар, (бала күнімде оқығанмын) аты есімде қалмапты, тек сюжеті есімде еміс-еміс. Сонда кейіпкер туған анасы өліп жатқан кезде оның табытының басында темекі шегіп отырып ойланатын, кофе ішетін, мұнан соң жезөкшемен бірге беймәлім жаққа кетіп бара жататын. Мұның біздің танымға қандай ауыр екенін белгілі. Немесе, өзіміз жанымыздай жақсы көретін Федордың бір кейіпкері сәби қызды зорлаушы еді ғой?
Сіздер Арманның пікіріне алашапқын болып ұрса жөнелгендерініз не? Егер кітап жазылған соң ол туралы жаман да болса пікір айтылғанына қатты қуану керек. Қара пиардың өзі танымалдықты арттырады. Екіншіден, романды, жалпы интелектуалды дуниені кез-келген адам 100 пайыз тусінбейді гой, әркім өз деңгейінде пайымдайды. Үшіншіден, дәл осы романның оқырманға психологиялық тұрғыдан әсер етерін де естен шығармау керек.

Гульшат
10-05-06 12:40
Арман бауырым, сен озі кызык жігіт екенсін. Бірак буган бола мен сені кіналамаймын. Аркімнін оз пікірі болады. Дурыс. Алайда оте томенгі денгейде пікір айтып отырсын. Жаным-ау, осылай да томендеуге болады ма. Мен "Каргын" романын томенгі денгейлі адамдар окиды, иа болмаса "Каргынды" окыган адамдардын арасында осынша томен денгейлі адам бар деп ойламаптым. Кудай ау сенікі тіпті корлау гой керемет дуниені. Мулде жаман айтып отырсын. Періштені сайтан дегендей. Сен мына романнан тук тусінбепсін. Осы романга кеткен уакыттын текке кетіпті. Обал. Романга да, уакытка да. Болмайды гой булай. Мен тіпті тілім байланып калды, не дерімді білмей.
Арман
08-05-06 12:01
Дулат Исабековтың "Қарғын" романының тәрбиелік жағынан берері бар ма? Кейіпкері - 35-40 жастағы жазушы жігіт. 18-20 жастағы әдебиетті сүйетін, өзі сұлу, өзіне ғашық қызды жақсы көреді. Өзінің жақсы жары, екі ұлы бар. Ең соңғы жағында кейіпкер Жасын әйелін, үйін, бала-шағасын тастап, Бағиламен қалды. Нұрат, Биба, осы дұрыс па?
Окырман
08-05-06 11:24
Оқырман-2, Көшпенді, Аян сендердін пікірлеріңмен 100 пайыз келісемін. Жаксы ангіме бастапсындар. Енді осыны жазушылар мен акындардын жеке басын соз етпей талдай туссек катып кетер еді. Тек, сендер ғана емес, алем адебиетінен менін де хабарым бар деп санаймын. Аян, сен дурыс айтып отырсын, ар елдің өзінің Шекспирі бар. Біір сөзінде жаздын ғой, "Аскар Сүлейменов - қазақ драматургиясының Шекспирі" деп. Осы ойды оқырман -2 де қуаттап отыр. Ендеше біз осы дүниелер әлем әдебиетінің көкжиегінде оқылуы үшін не істеуіміз керек, соны сөз етейік.
Көшпенді
06-05-06 11:21
Оқырманның айытқаны орынды шығар.
Қажығұмар 1924-жылы Қазақстанда туылып, 1931-жылы Қытайға ауып келген. 1980-жылдардан кейін 20 жыл саясий қылмыспен түрмеде отырған. Шығармалары"қылмыс"," бақыт жолында" т.б лар. жазушының 80 жасқа кедуіне орай, өткен жылы бірәз шығармалары Қазақстанда жарық көрді.
Оқырман-2
04-05-06 23:50
Құмырсқа қырғын мағауиндікі. Оған сенімдімін. Жақында ғана оқыдым.
Оқырман-2
04-05-06 23:49
Аян мен сенімен толық келісем. Барлығын дұрыс айтып отырсың. Мен бірақ өзімнің айтқан қазақ әдебиеті орыс пен француздан кейінгі үшінші орында тұрған әдебиет деген пікірімде қалйын. Олай дейтін себебім бар. Мен де әлем әдебиетін біршама оқығанмын. Әр елдің өзінің мықты жазушысы бар. Бірақ қазақ жазушыларына Әуезовке, Майлинге, Қалиханға, Мұратбековке, Мүсіреповке жететіндері аз. Мен бұны қазақ болған соң айтып тұрған жоқпын. Басқаларын айтпағанда Асқар Сүлейменовтың жалғыз өзі егер дұрыстап аударса дүниені төңкеріп түсер еді. Бірақ кейінгі жастардан бұндай жақсылар шықпай тұр ғой. Оқып жүрмін. Бұлардай емес. Соған қарап қазақ әдебиеті өрлеу кезінен өтіп, құлдырайтын шағына жетті ме деп ойлайсың. Маралтайды оқымаппын. Айта алмаймын.
Биба
04-05-06 11:16
Маган ен бірінші Дулат Исабеков унайды. Онын барлык ангімелері жаксы. Алайда "Каргынды" боле жара атагым келеді. Мен "Каргын" романын жаныммен жаксы коремін. Салкынкандылыкпен, багаласам да ыстык сезіммен айтсам да осы бір пікір. Мен бул романды 7 сыныпта жургенде окыганмын. Содан бері жылына бір рет окып турамын. Керемет. Сосын Магауйннін "Кок мунары" да озінше бір адемі роман. Классика болмас. Дегенмен жаксы. Оны да оныншы сыныптан бері нешеме рет окыдым. Осы екі роман менін жаныма рахатт сыйлайды. Шындап лаззаттанамын. Енді казак романдарынын біршамасымен таныспыз гой. Алайда, осы екі романга ыкыласым алаботен.
Аян
04-05-06 11:13
Оқырман-2, айтпақшы, "Құмырсқа қырғын" Мағауиндікі емес болса керек... Анығын білмеймін. Өзің түсіндіре кетші.
Аян
04-05-06 11:10
Оқырман-2, сен дурыс айтып отырсың. Әр елдің әдебиеті өз құнарымен мықты көрінеді. Орыс әдебиетінде словия мәдениетінің ықпалы, француз әдебиетінде ежелгі франктердің талғампаздығы, жапон әдебиетінде будданың ықпалы басым. Ол сонысымен құнды саналады. Толстой мен Достаевскийдің шығармасын ашсаң - көне Рустің бар қазынасы, тіл мәйегі алдыңа ақтарылып түседі. Француз әдебиетінде тектілік бар. Бовария ханымның уйлену тойын елестет - Флоберге тойдағы ұлан-асыр дастарханның, ондағы үйдей торттың және айналадағы сұлу қыздар мен олардың аса талғамды киінген модасы туралы қиял қайдан келгенін түсінер едің. Бул ұлттық құнар ғой. Жапон әдебиеті мен буддизмнің арасындағы байланыс туралы айтпай-ақ қойсақ та жеткілікті. Акутагаваны алғаш оқыған адамның өзі магиялық күшке матылып қалғанын сезінсе, бұл Буддаға суарылған жапондық түсініктің салдары деп ойлағаны жөн.
Қазақ әдебиеті туралы сөз де осы шеңберде. Оқырман-2, сенің айтқаныңа, яғни, әлемдік деңгейде орыс пен француз әдебиетінен кейінгі орында қазақ әдебиеті тұр деген Сәкен ағамыздың сөзіне келісе алмаспын. Әдебиетті бұлай бөлуге болмайды гой. Өзі соқыр бола тұра Боркес негізін қалаған аргентина әдебиетін, жоғарыда сөз еткен жапон әдебиетін, неміс, ағылшын әдебиетін, оның бергісіндегі көбіне дерекке негізделсе де оқырман үшін әдеуір құндылығы бар американ әдебиетін қайда қоямыз. Бір өзі бір елдің әдебиеті деп атауға тұрарлық Әзіз Несині бар түрік әдебиетін, Шандоры бар венгр адебиетін, әлем өзін Голландияның Шекспирі деп танитын Вонделі бар голланд әдебиетін, Ду Фуы бар қытай әдебиетін төмен деп айта аламыз ба?
Ал, қазақ әдебиетіне келсек, Маралтайдың таңдаулы он өлеңін көрсетіп -ақ, қазақ әдебиетін мойындатуға болады.
Оқырман-2
Жасұлан бауырыма айтарым
03-05-06 14:01
Жасұлан,
Мен сені түсінемін, батыстың содан соң орыстың әдебиеті ең дамыған, ең озық әдебиеттер. Оны оқып, таңдай қауың орынды, бірақ марқұм Сәкен Жүнісовтың айтуынша, қазақ әдебиеті француз әдебиеті мен орыс әдебиетінен кейінгі үшінші орында тұр. Өзіміздің байлығымзыды көріп білмей, таныспай тұрып, жеріну дұрыс болмайды. Мен қазақ әдебиеті туралы пікірталас болса деп ойлаймын. Ең болмаса осы форум шеңберінде. Шабданұлы туралы көбірек дерек күтемін.
Оқырман-2
03-05-06 13:57
Қажығұмыр Шабданұлы деген қай жазушы бұрын естімеппін. Оқырманның айтқанына қосыламын, қазақтар ең болмаса осы форумды пайдаланып, өз жазушыларым туралы әңгіме дүкен құрайық. Батыс жазушыларынан гөрі. Білетіндер білмейтіндерге айтып түсіндірсін. Себебі қазір қазақ кітаптары аз тиражбен шығады да оқырмандардың барлығына жетпейді, немесе аты белгісіз болған соң жаңағы қытайлық жазушы сияқты ешкім алып оқымайды. Ал былай көз таныс болып, реті келсе кітаптары да оқыла жатар.
Окырман
02-05-06 08:15
Көшпенді, айтқандай -ақ, мумкіндік болып жатса Қ. Шабданұлының шығармашылығын форумда талдасаң қатып кетер еді. Біз де үн қосар едік. Себебі, көп адам оның еңбектерінен бейхабар. Таныс болсын дегенім.
Окырман
02-05-06 08:12
Қажығұмар Шабданұлының шығармашылығы жайлы талас жоқ. Бірақ, оның шығармалырының мықты болып көріну себебі бар. Атап айтсақ, ол көптеген жылдар бойы Қытай елінің түрмесінде азап шеккен жан. Осыны білетін, осыны түсінетін адамға түрмедегі жазылған шығармалар тым құнды болып қабылданатыны бар.
Жалпы, өз басым ол кісінің шығармашылығын силаймын. Десе де, шығармашылығының құнды болу себебі қуғын сүргін көруінде деп білемін. Себебі, шығарманың туу тарихының өзі авторының өзі оқырманға прсихологиялық тұрғыда әсер етеді.
Бір сөзбен айтқанда Қ. Шабданұлы қытайдағы қазақ әдебиетінің көп өкілдерінің бірі ғана...
Айна
Жасулан
27-04-06 14:15
Батыс шыгармашыларыннан кимди атап отесин? Тек казах жазушыларын айтып-ак коймай баскаларын да айтса болады, айтындар билип журейик!
Көшпенді
dubeck_0202@yahoo.com.cn
26-04-06 20:44
Мүмкін сіздер Қытайлық Хажығұмар ШАБДАН және Омарғазы АЙТАНды оқымаған боларсыздар, олар кереметтей жазушылар, шығармалары Қазақстанда басылды, тауып оқысаңыздар екен.
Мен
26-04-06 19:18
Ал әлем әдебиетінен сүйікті жазушыларың бар ма? Жасұлан сен батыс әдебиетінен кімді оқып жатырсың?
Кейде мынандай сөздерді естисің қазақ болған соң, тек қазақ әдебиетін оқу керек деген сияқты. Менің ойымша, бұл қате. Сендер қалай ойлайсыңдар? Бұл жерге кіретіндердің көбі тілші қауым ғой. Сондықтан қызық.
Арман
26-04-06 08:03
Дина, айта койшы, М. Мақатаев жазушы ма?
оқырман-2
25-04-06 19:23
Менің сүйікті жазушым Мұхтар Мағауин. Оның Құмырсқа қырғын деген әңгімесін оқығанда арманда, оқымағанда арманда.
Жасұлан
jason1984@rambler.ru
25-04-06 19:21
Менің қазір оқып жатқан батыс шығармасы, жалпы маған шығыс шығармасы ұнайды. Шыны керек. ҚАЗАҚ шығармасына жетпейді.
Нұрат
25-04-06 17:10
Дулат Исабековтың шығармалары да керемет!
Дина
25-04-06 13:11
Мен өзім Өзбекстанның Нөкіс қаласынан Мойнақ ауданынанмын.Өз басым жаңа шыққан әдеби әлемнен бейхабармын. Бірақ әдебиет десе ішкен асымды жерге қоятын жанмын. Ал мақсатқа көшсем менің ең сүйікті жазушым М.Мақатаев,М.Әуезов т.б.
Мен гой
24-04-06 12:53
Менін суйікті жазушым Бекділда алдамжаров
Көшпенді
dubeck_0202@yahoo.com.cn
22-04-06 18:00
Тағы да Оралқан БӨКЕЙді оқимыз да!
Және Шыңғыс АИТЫМАТОВ бар мықты.
Мен
19-04-06 19:55
Маған қазақ жазушыларынан ең қатты ұнағаны Қалихан Ысқақ. Дәл Қалихан Ысқақтай жазушы жоқ па деп қалдым. Бейімбет дәстүрін жалғастырушы, терең философ, өмір дастанын жырлаушы, нәзік лирик, психолог. Шынымен де, нағыз классиктің Алматының бір жерінде өмір сүріп жатқанын білу біртүрлі тылсым ойларға жетелейді. Әлдебір табиғат заңдылығына (өлгендер ғана классик деген) қарама-қайшы, саналылық деңгейінен алшақ әлдене секілді. Мен ол кісінің "Беу, ақсақ дүние" кітабын ғана оқыдым. Шынымды айтсам, романдарын таба алмай жүрмін. Үнемі қарап жүремін.
Айна, маған ренжіме, бірақ "Ғашықтар" ІЕ кішкене бостау шығармасы секілді.
Оқырман, мен сенімен 97 пайыз келісемін.)) Рақмет, жақсы пікіріңе.
Айна
18-04-06 13:55
Мен, оз басым жанадан шыгып жаткан жазушыларды окуга мумкиндик туылмай жатыр, жакын арада Ильяс Есенберлиннин "Гашыктар" деген китабын окыдым.Керемет! Керемет китаб! Соган коса "Айкас" деген тагы бир китабы бар екен, соны окып жаткан, солай. Жалпы Есенберлинди окысан утылмайсын!:-)))
окырман
18-04-06 11:26
Қазақ әдебиетіндегі өткен ғасырда жазылған жақсы шығармалар:
1. М. Мағауин. "Көкмұнар"
2. Д. Исабеков. "Қарғын"
3. Т. Әбдіков. "Тозақ оттары жымыңдайды"
4. Б. Соқбақбаев. "Менің атым Қожа"
5. А. Сүлейменов "Адасқақ"
6. О. Бөкей. "Қар қызы"
7. С. Мұратбеков. "Жабайы алма"
8. Ш. Айтматов. "Боранды бекет"
9. М. Байғұтов. "Машаттағы махаббат"
10. О. Сүлейменов. "АЗ и Я"
Өткен ғасырдың керемет туындылары ретінде осыларды атаймын (поэзия өз алдына). Сіздердің өз ойларыңыз бар. Сондықтан таласпаймын. Ал, осы ғасырда жазылған шығармалардан:
1. Әбдіжәміл Нұрпейісов. "Соңғы парыз".
2. Нұрғали Ораз. "Аяқталмаған ертегі".
3. Таласбек Әлімқұлов "Тал түс"
4. Талғат Кеңесбаев. "Олар екеу еді"
5. Тұрсынжан Шапай. "Өлі көл" - әңгіме. "Қазақ әдебиеті" газетінде жарияланған (классикалық әңгіме).
6. Шерхан Мұртаза. "Ай мен Айша". Шерағаңның бұрынғы дүниелерімен салыстырғанда бұл шығармасында шынайлық өте басым.
7. Қ. Мырза Әлі. "Иірім", "Жазмыш"
8. Даурен Куат "Он сом". "Қазақ әдебиеті" газетінде жарияланған (классикалық әңгіме).
9. Айгүл Кемелбаева "Мұнара"
10. Лира Қоныс "Тиын" - әңгіме. "Қазақ әдебиеті" газетінде жарияланған (классикалық әңгіме).
Осы шығармалар қазақ әдебиетінің алтын қорына топтастырылады.



страницы:    « в конец    3    2    1  


Сіздің жауабыңыз
Есіміңіз:
Сіздің e-mail:
Мәтін:
Кескіндегі код:

Кодты жаңарту
 




© 2002—2017   | info@kazakh.ru   | Блог  | О проекте  | Реклама на сайте | Вакансии 
Группа Вконтакте Страница в Фейсбуке Микроблог в Твиттере Сообщество на Мейл.ру Канал пользователя kazakhru - YouTube